Thamurth Ith Yaala

Forum, discussion, échanges, avis des Yaalaouis.
 
AccueilGalerieFAQRechercherMembresGroupesS'enregistrerConnexion

Partagez | 
 

 Timezla n tmecret ilmend n lɛid

Voir le sujet précédent Voir le sujet suivant Aller en bas 
AuteurMessage
tikka
V.I.P.
V.I.P.


Masculin
Nombre de messages : 6081
Age : 55
Localisation : Setif
Emploi/loisirs : Gestion/nature
Humeur : Idhourar i dh'al3amriw...
Date d'inscription : 08/07/2008

MessageSujet: Timezla n tmecret ilmend n lɛid   Lun 28 Sep - 11:16



Timezla n tmecret ilmend n lɛid
Deg Sedduq-Ufella

Lluziɛa d lɛada yuɣen ddeqs-aya amur meqqer gar yimezdaɣ di tmurt n Leqbayel. Sedduq-Ufella, d taddart gar tudrin i d-yeskeflen lɛada ilmend n Lɛid ameẓẓyan. Ddaw leɛnaya n tejmaɛt n lɛeqqal, imezdaɣ n taddart, am umeqqran am umeẓẓyan, zdin iɣallen ɣer lluziɛa i d-gan ilmend n Lɛid ameẓẓyan. Anagar kfan taẓalit d umsalem, lɛeqqal yakk d yimezdaɣ, yelsan talaba d tajdiṭ, am warrac am yergazen am yemɣaren, uɣen amḍiq deg Lberǧ, abraḥ anda ara sukken i 5 yezgaren i d-uɣen. Drus n tallit kan akka, imeqqranen n taddart Sedduq-Ufella, bdan agezzer, mi kfan rran ɣer rrif buzelluf d yiḍarren i semttuttlen deg teglimt, ara suffɣen s ssuma iman-is ; ur teddun ara deg texxamin. Uɣalen-d ɣer ugerbuz d tkerciwin, ferqen-ten ɣef 300 tuntin – d azal n twaculin yellan deg taddart neɣ berra i taddart i d-isawlen ad kkin deg lluziεa –. Gar tuccar, agezzar, i d-izenzen izgaren, ur d-yessedda ara deg leḥsab n lexlas tikerciwin d buzelluf.

Γef lluziɛa, acu i tezmer ad d-ternu yelha ? Yerra-yaɣ-d awal ɣef usteqsi Ɛumar Useεdun, yenna-d : « I nekni d asekfel n lɛada taqbaylit, i nssaram ad d-teqqim d tikci i tsutwin i d-yettlalen, yes-s nwala nettleqqim tadukli d lferḥ, ladɣa mi ara ttwazerεen deg wulawen ttbinen-d ɣef wudmawen. Akken daɣen ara yelḥeq yes-s uẓawali ad yenfeq i uxxam. » Arrac ula d nutni lehna, turart d zzhu, uɣen aẓar deg wul-nsen. Mi kfan afraq, at taddart bdan ttnejbarren s ixxamen-nsen, deg ufus tacekkart teččur, akken ad d-heyyin seksu s uksum n lluziɛa ara sibnen.
Mohand Ait Ighil
Revenir en haut Aller en bas
Voir le profil de l'utilisateur
 
Timezla n tmecret ilmend n lɛid
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Timezla n tmecret ilmend n lɛid

Permission de ce forum:Vous ne pouvez pas répondre aux sujets dans ce forum
Thamurth Ith Yaala :: Culture :: Traditions, Coutumes ..-
Sauter vers: